O Concello de Culleredo prosegue con traballo, en materia sanitaria, co tecido asociativo. Nesta ocasión, e xunto coa Asociación de Parkinson, organiza unha marcha polo paseo marítimo do Burgo este venres, 19 de setembro.

Participarán tanto pacientes como familiares, co obxectivo de dinamizar a actividade física das persoas nesta situación, explica Penélope López, concelleira de Sanidade. A actividade, encadrada no programa "Pasiño a pasiño", iniciarase ás 17.00 horas e rematará ás 17.45 na aula da Natureza.

Neste punto, os participantes tomarán un tentempié e recibirán a visita de responsables do Concello. O acto finalizará coa actuación dun grupo de pandereteiras.

A concelleira destaca o "enorme e proveitoso traballo" da asociación para apoiar aos pacientes. E por iso o Concello quere contribuír á súa calidade de vida con programas saudables como este.