O Concello de Culleredo e Adicae Galicia proseguen co seu traballo conxunto para dar a coñecer aos veciños os seus dereitos como consumidores. Nesta ocasión organizan unha xornada para abordar un aspecto que sempre xera incerteza entre a cidadanía: as compras por teléfono e internet.

A xornada formativa celebrarase o vindeiro xoves, 4 de decembro, ás 19.30 horas no Pazo de Vila Melania, sito en Vilaboa.

O goberno local anima aos veciños a asistir á sesión para dispor de toda a información que faga máis seguras as compras por internet ou móbil, medios moi frecuentes na actualidade.