O Concello de Culleredo acometerá este ano importantes actuacións para a mellora da rede de abastecemento de auga potable no municipio. A idea do goberno municipal é modernizar as instalacións para garantir o seu correcto funcionamento xa de maneira preventiva.

 

O goberno municipal destinará en 2016 un total de 248.416,03 euros para modernizar a rede de auga. Con este investimento o Concello logrará renovar a rede nun total de 16 rúas do municipio, enmarcadas nun total de seis proxectos.

 

Os proxectos, xa con consignación por parte do goberno municipal, acometeranse nas rúas Federico García Lorca, Rafael Alberti, O Xesto, Reveriano Soutillo, Río da Cova, Andrés Reboredo e San Manuel, cun orzamento total de 67.168,23 euros; na avenida da Coruña, por 3.330,11 euros; en Fornos, por 2.387,59 euros; no Bosque, por 18.894,89 euros; en Silvar - Goiente, por 30.963,83 euros; e nas rúas OS Pereiros, As Catas, Rafael Dieste, A Regueira e a avenida de Alvedro, por 125.671,38 euros.

 

O seis proxectos atópanse en fase de tramitación. O primeiro e o último, de maior consignación, contan coa axuda da Deputación da Coruña, sendo os restantes asumidos polo Concello.

 

O alcalde de Culleredo, Julio Sacristán, cualifica de "fundamental" realizar un traballo preventivo para manter a rede de abastecemento nas mellores condicións e reducir as avarías aos veciños. A selección dos lugares a actuar é froito das inspeccións dos técnicos na rede.