ES / GL

Traballos de asfaltado na Nacional 550

16 Junio, 2016. 18:43

Alcaldía

O Concello de Culleredo informa do inmediato inicio dos traballos, por parte do Ministerio de Fomento, de renovación do firme da Nacional 550 ao seu paso polo municipio. É o paso previo á cesión da vía ao Concello, unha petición do goberno local para xestionar directamente a vía e atender con maior prontitude as demandas veciñais.

O Concello mantivo reunións con Fomento e a empresa adxudicataria de cara á programación da actuación. Será executada principalmente os fins de semana para reducir as molestias aos usuarios da vía.

A data de inicio dos traballos é o próximo fin de semana, do 24 ao 26 de xuño. Descartouse comezar este sábado polas inestables condicións meteorolóxicas, e hai que ter en conta que é necesario o bo tempo para acometer o asfaltado.

As obras comezarán polo Portádego, e irán avanzando aos poucos ata chegar a Alvedro, na rotonda do outlet.

O Concello de Culleredo establecerá un plan especial de tráfico con motivo dos traballos, que requirirán o corte dun carril. Será notificado con carteis e valos na zona con varios días de antelación.

En esencia, o Concello, promoverá o uso das rúas adxacentes e animará a tomar a Terceira Rolda en Alvedro como vía alternativa de acceso á cidade.