ES / GL

Plan de circulación e aparcadoiros provisionais pola 1ª fase das obras de Ribados

2 Febrero, 2021. 13:45

Alcaldía

O Concello de Culleredo porá en marcha un plan de circulación provisional na avenida Ribados con motivo do inicio das obras de mellora da vía e a súa contorna. Comezouse xa coa sinalización, e deixarase unha marxe de 48 horas para que os propietarios dos vehículos estacionados poidan retiralos e proceder así co peche do perímetro de actuación.

En canto comecen as obras, efectuarase o cambio a dobre sentido de Ribados, desde o cruzamento con Visitación de la Encina ata a rúa Hersa, para acceso a residentes, e cortarase ao tráfico a vía na entrada desde Costa da Lonxa, onde se iniciarán os traballos.

A nivel estacionamentos, crearanse prazas provisionais na contorna do Conservatorio e tamén en Visitación de la Encina. De ser necesario habilitaranse máis espazos.

Coa renovación da avenida de Ribados, o Concello buscará o protagonismo do peón, con medidas que mellorarán a súa accesibilidade, e unha mellora completa da funcionalidade e estética da vía.