O goberno de Culleredo impulsará o papel da agrupación de voluntarios de Protección Civil para contribuír á seguridade do municipio. Os voluntarios contarán a diario cun cadro de tarefas que consistirán en apoiar aos funcionarios do corpo en todo momento, cun retén continuo, e con labores como a supervisión das zonas máis concorridas do municipio. O Concello dotaralles en breve con catro bicicletas equipadas con todo o necesario para primeiros auxilios.
Para animar ás familias a optar a algunha das vacantes, o Conservatorio Municipal de Música de Culleredo celebra hoxe, mércores 5, e mañá xoves 6 de xuño, as súas primeiras xornadas de portas abertas. Quen se achegue á dependencia municipal situada en Acea de Ama poderá acceder ás clases como observador e presenciar como se manexan os alumnos cos seus instrumentos. As portas abertas desenvolveranse entre as 17.00 e as 20.00 horas.
O goberno de Culleredo amplía o seu abanico de programación cultural coas miras postas no humor. O Concello organiza durante os venres de xuño a primeira edición do Festival do Humor, que levará ao Edificio de Servizos Múltiples do Burgo a recoñecidas figuras do xénero. O programa componse de monólogos, un taller de risoterapia e unha charla sobre o humor en Galicia. O prezo do abono é de 20 euros e de cada actuación solta, 7 euros.
O luns, día 3 de xuño, ás 9.00 horas, abrirá a nova oficina de Correos do Burgo, situada nun local da antiga Casa dá Xuventude, cedido polo Concello de Culleredo á empresa postal. A apertura desta oficina foi longamente demandada pola asociación de veciños O Noso Burgo, pero Correos alegaba problemas económicos para facelo. O alcalde de Culleredo, Julio Sacristán, reuniuse hai dous meses cos novos responsables de Correos e chegou a un acordo para a cesión deste local municipal.
O goberno de Culleredo traballa para continuar mellorando a atención en materia de seguridade cidadá para satisfacer as necesidades que presenta o municipio e os veciños. Nas próximas semanas, o goberno iniciará o proceso para a creación da unidade e a adquisición de previsiblemente 4 motocicletas de gran cilindrada. O traballo de patrullas en moto permitirá unha mellor mobilidade para os efectivos, con desprazamentos máis rápidos, sobre todo nas zonas urbanas.
O Concello de Culleredo organizou un taller de cociña co fin de mellorar das habilidades sociais e de comunicación dos mozos participantes, que tomaron parte na iniciativa xunto coas súas familias. O Concello apostou pola cociña como entorno ideal para mellorar este ámbito, e que da posibilidade para a interactuación entre mozas e pais. A concelleira de Benestar Social, Guadalupe Pombo, foi a encargada de clausurar a actividade coa entrega de diplomas.
Culleredo continúa incrementando as variedades culturais que ven acollendo semana tras semana coa actuación do grupo “La Trova”, previa á presentación oficial do seu novo disco “Nuevo Aire”. O concerto, con entrada de balde, terá lugar e venres, 31 de maio, ás 21.00 horas, no salón de actos do Edificio de Servizos Múltiples do Burgo.
Trámites en linea, tablón oficial, carpeta ciudadana...
Emisiones en directo y material audiovisual.
El diseño de esta página web forma parte de las actuaciones de difusión del proyecto DINAMO financiado por el FEDER