No marco da colaboración que a Concellaría de Sanidade mantén coa Asociación cullerdense Alma e coincidindo no obxectivo de promoción da lactancia materna, a Aula de Natureza Juan Lembeye do Burgo acolle a mostra "Pel con pel".

A exposición poderá verse dende o día 11 ata o 18 de xaneiro, en horario de 18:00 a 21:00 horas, agás o fin de semana no que poderá visitarse so o sábado 14, en horario de 11:00 a 13:30 e de 17:00 a 21:00 horas.

A concelleira de Sanidade, Rocío Sampedro, explicaa que a exposición recolle en torno a coarenta fotografías de nais amamantando aos seus fillos/as, fotografías presentadas ao II Concurso sobre Lactancia Materna que organizou Fedegalma (Federación Galega de Apoio á Lactancia Materna) no ano 2009. Estas fotografías foron posteriormente publicadas nun libro editado pola Editorial Galaxia co mesmo título.