O xoves día 27 de marzo, no salón de actos do IES Cruceiro Baleares ás 12:15 h. estrearase a obra de teatro: "Pasoulle a Marcos". O obxectivo da mesma é sensibilizar aos mozos e mozas acerca das consecuencias que provocan as conductas irresponsables con respecto ao tráfico. Participarán como público 430 alumnos/as e profesorado acompañante dos centros escolares IES Blanco Amor, IES Cruceiro Baleares, Montespiño, CPR Rías Altas e Centro ocupacional " A Escada".

A obra está dirixida por Susana Crespo, e conta a historia real de Marcos e a súa vida desde unha cadeira de rodas como consecuencia dun accidente de tráfico.

A actividade, organizada conxuntamente polas Concellerías de Educación e de Seguridade cidadá, conta coa colaboración da Policía Local da Coruña, da unidade de lesionados medulares do C.H. "Juan Canalejo", co parque de bombeiros, a Cruz Vermella e a do protagonista principal da mesma, Marcos.