Programa de visitas culturais

Dende a Concellería de Cultura, Deportes de Participación Cidadá e a Concellería de Benestar Social e Promoción Económica desenvolverase durante dous venres ao mes en horario de 9.30h a 11.30h un programa de actividades cuxos obxectivos son os seguintes:

- Coñecemento da historia e do patrimonio monumental, cultural e medio ambiental de Culleredo, de maneira moi didáctica.

- Coñecemento das actividades artísticas que se organizan no Concello de Culleredo, visitando as exposicións.

- Realizar actividades ao aire libre.

Estas visitas serían guiadas polo historiador do Concello anque o alumnado irá acompañado dos seus monitores.

As actividades serán as seguintes:

Venres 25 de abril de 2008: Visita ó xardín botánico.
Aproveitarase para ver a floración, os diversos tipos de especies e xardíns, etc.

Venres 9 de maio de 2008: Visita ós Muiños de Acea de Ama.
Explicarase a historia das aceas, o seu funcionamento, o folclore dos muíños.

Venres 23 de maio de 2008: Visita á Igrexa de Santiago do Burgo
Explicarase a arquitectura da igrexa, época na que se fixo, como era o Burgo medieval, como se vivía na Idade Media...

Venres 6 de xuño de 2008: Visita ás Ruínas da Fábrica CROS.
Explicarase a importancia da fábrica CROS en Culleredo: cando se construiu, a que se dedicaba, para que servía o que producía, que persoas traballaban nela, que se vai facer con ela, etc.

Martes 27 de xuño de 2008: O Camiño de Santiago en Culleredo.
Percorrerase un tramo do Paseo Marítimo da Ría do Burgo. Partiríamos da ponte do Burgo e seguiríase o Camiño inglés de peregrinación ata o Xardín Botánico, regresando á "Escada".
Aproveitaríase, ademais de para falar das peregrinacións, para observar as aves da ría, falar dos areeiros, do marisqueo, do coidado do medio ambiente...