O sábado 26 de abril, Culleredo celebrará o XII encontro de corais. Organizada pola Concellaría de Educación, esta iniciativa, que se ven desenvolvendo todos os meses de abril desde fai xa 12 anos co gallo da chegada da primavera, pretende servir de encontro de distintas corais para intercambiar e compartir as aprendizaxes que adquiriron os alumnos e alumnas ao longo do ano, así como de espazo de divertimento.

O acto terá lugar ás 18:30 horas no salón de actos Gustav Mahler do Conservatorio Profesional de Música e é aberto a todo o público. Este ano contarase coa participación da "Coral e grupo instrumental de Culleredo", "Coral polifónica do Concello de Arzúa", "Coral do Castrillón" e a "Asociación coral Rosalía de Castro de Vilagarcía de Arousa".