A Concellaría de Sanidade de Culleredo solicitou formalmente para a Zapateira un novo establecemento farmacéutico ante a Subdirección Xeral de Farmacia da Consellería de Sanidade.

A motivación desta solicitude obedece a carencia deste servizo na zona, ao seu incremento poboacional e as previsións futuras de urbanización do territorio.

Según a lexislación vixente sobre planificación, traslado, cerramento e transmisión de oficinas de farmacia, Culleredo atoparíase encadrado dentro de zona farmacéutica semiurbana por ser un municipio entre 10.000 e 30.000 habitantes e debería ter un establecemento por cada 2.500 habitantes, polo tanto 11 establecementos a data de hoxe.

Culleredo conta a data de hoxe con 6 establecementos farmacéuticos en funcionamento nos lugares de Tarrío e Celas na zona rural, e O Portádego, O Burgo, Vilaboa e Fonteculler na zona urbana. Ademais ten aprobada e en proceso de concurso a adxudicación de 4 novos establecementos en Almeiras, 2 novos en O Burgo e 1 en Rutis.