A Concellaría de educación do Concello de Culleredo desenvolverá, o vindeiro sábado día 7 de xuño, na biblioteca do Conservatorio profesional de música de Culleredo o "I Curso básico de xestión para ANPAS e Asociacións de mulleres de Culleredo".

A finalidade da iniciativa é proporcionar formación ás xuntas directivas das asociacións para desenvolver as tarefas de xestión das diferentes entidades, traballo moitas veces desagradable pola súa burocratización. Os contidos a tratar, que terán un carácter práctico, son os seguintes:

1.- Planificación, deseño e xestión de actividades.
2.- Financiamento das entidades non lucrativas.
3.- Tramitación e xestión de subvencións.
4.- Comunicación interna e externa.
5.- Recursos para o sector non lucrativo.

A sesión desenvolverase de 9:30 a 13:30 e participarán as ANPAS dos colexios de Tarrío, de Sofía Casanova, de Ría do Burgo, de Díaz Pardo, de A Ponte Pasaxe, do IES Cruceiro Baleares e do IES Blanco Amor, así como das asociacións de mulleres " A Lancada" e " Rosalía de Castro".