Coa denominación de "Mundo Saúde", o Concello de Culleredo trasladará a rúa a necesidade de sensibilizarnos sobre o coidado da nosa saúde e de practicar estilos de vida saudables. Para elo, os días 12 e 13 de xullo, no Paseo Marítimo de O Burgo, estarán colocadas un conxunto de carpas adicadas a medir os parámetros de saúde, realizar revisións de hixiene bucodental, de óptica e audiometría, así como a proporcionar orientacións a nivel de dermatoloxía e alimentación saudable.

O evento contará tamén coa participación de asociacións socio-sanitarias do concello e cun conxunto de actividades programadas dirixidas a menores e adultos.

A inauguración da mostra terá lugar o sábado 12 ás 12:30 h. e contará coa presenza da Conselleira de Sanidade: Mª José Rubio Vidal e do Alcalde do Concello de Culleredo: Julio Sacristán de Diego acompañado pola Concelleira de Sanidade: Carmen Varela Corbelle.