"A lectura en voz alta é o mellor camiño para crear lectores, simplemente compartindo as palabras que nos vinculan. Compartir a lectura é compartir a linguaxe placenteiramente, afimándoo como vehículo de entendemento, fantasía e civilidade. O idóneo sería incorporar ás nosas rutinas algo tan vinculante nos lazos afectivos como ler un conto á hora de durmir. Sabemos que hoxe en día non temos moito tempo para relacionarnos coas nosas crianzas que cada vez están máis desmotivadas para ler, traballemos as claves para modificar dende a familia esta realidade."

Servizo de ludoteca gratuíto no propio pazo.

A concellaría de Benestar Social continúa co ciclo de charlas dirixido ás familias culleredense "Aprender para educar " que se organizan dende o Programa das Aulas Abertas xunto coa Asociación Sociopedagóxica Galega ASPG, na que se pretende entre outros obxectivos sociopedagóxicos, dinamizar e crear motores dunha renovación e dunha toma de conciencia a respecto do papel básico que a familia debe xogar na educación e na busca de comunicación entre os seus membros a fin de mellorar e previr situacións de risco na comunidade.

Durante vindeiros meses completarase o programa con outras charlas nas que temas como "Educar na responsabilidae", "A autoridade na familia" ou "Falar de sexualidade" contribuirán a mellorar o papel da familia e dos prolemas sociais que poideran xurdir. Estas charlas están abertas a toda a poboación.