Culleredo fomenta a formación do seu tecido asociativo:
II Curso de Formación para ANPAS

O sábado día 7 de marzo de 10:30 a 13:00 horas, na biblioteca do Conservatorio profesional de música de Culleredo, realizarase o II Curso de formación para ANPAS e outras asociacións sobre "Asociacionismo e comunicación".
O contido deste curso tratará sobre a elaboración de plans de marketing interno e externo das asociacións: confección de circulares, carteis, folletos, páxina web etc, e o seu obxectivo e proporcionar ás directivas destas asociacións información teórico práctica sobre como comunicar.
Espérase a asistencia de 30 membros das ANPAS do concello e das asociacións de mulleres.
Colabora con esta iniciativa INICIA, empresa de consultoría e xestión, e esta actividade está enmarcada dentro do servizo de apoio á comunidade escolar do Departamento municipal de educación .