A Concellaría de educación, igualdade e formación, reponsable tamén do departamento de sanidade, e que preside Carmen Varela Corbelle, organiza un obradoiro sobre xénero, saúde e sexualidade que se titula: "Unha mirada de xénero ao noso corpo e a nosa saúde", dirixido ás mulleres de Culleredo.

A actividade enmárcase dentro da Campaña de promoción e fomento da igualdade que se ven desenvolvendo este mes de marzo, e no proxecto de prevención de enfermidades transmisibles da Concellaría de sanidade. Terá lugar os días 30 e 31 en horario de 18:00 a 19:30 nas instalacións do Pazo de Villamelania de Vilaboa, e participarán dela 25 mulleres.