Amplíase ata o 7 de abril o prazo para inscribirse no Congreso Galego de Acción Voluntaria 2009 que terá lugar o 23 de abril en Compostela, baixo o lema "Acción voluntaria, acción transformadora"
A Dirección Xeral de Xuventude e Solidariedade amplia ata o luns, 7 de abril o prazo para inscribirse no Congreso Galego de Acción Voluntaria 2009 como congresista, ou ben para que as asociacións presenten a súa solicitude para participar na feira de entidades cun expositor propio. A Oficina Municipal de voluntarido OMVOL vai participar cun stand informativo onde divulgará as actividades que se desenvolven no concello de culleredo con entidade voluntaria.
O CGAV 09 vai ter lugar o vindeiro 23 de abril baixo o lema "Acción voluntaria, acción transformadora". Esta convocatoria na que se queren reunir entidades de todo o país é a cuarta edición deste foro de encontro e intercambio de ideas sobre a acción voluntaria en Galiza.

Todos os prazos para inscribirse permanecerán abertos unha semana máis ata o vindeiro 7 de abril ás 20.00 horas nesta mesma web. Os voluntarios, ou o público en xeral, que queiran asistir ao evento debe inscribirse previamente cubrindo o formulario correspondente a través de correo electrónico ao enderezo voluntariado@xunta.es Ao mesmo pode accederse premendo directamente sobre esta ligazón ou ben, clicando directamente desde a sección PLANS E PROGRAMAS, sección CONGRESO GALEGO DE ACCIÓN VOLUNTARIA 2009.

Por outra parte, aquelas entidades de acción voluntaria (EAV) que desexen acudir con expositor propio á feira de asociacións, reservar un espazo na zona de exposición común ou proxectar material audiovisual na sala multimedia, poderán anotarse cubrindo tamén o correspondente formulario. A plantilla descárgase directamente dende a sección PLANS E PROGRAMAS, sección CONGRESO GALEGO DE ACCIÓN VOLUNTARIA 2009 e logo debe enviarse

Para calquera dúbida ou aclaración, os interesados pódense poñer en contacto co Teléfono Solidario 900 400 800.