O vindeiro luns 14 de setembro, ás 11:30, no Conservatorio profesional de música de Culleredo, terá lugar a inauguración da exposición do "I Concurso de deseño de carteis e slogans contra a violencia de xénero", promovido pola área de servizos sociais da Deputación de A Coruña.

Ao acto teñen previsto asistir deputados provincias e representantes municipais vinculados ás áreas de benestar social e igualdade de ambas institucións.

O motivo da exposición é a sensibilización da sociedade ante o problema dos malos tratos. En concreto téntase promover unha actitude reflexiva e participativa da sociedade galega en torno a esta cuestión.

A Deputación de A Coruña, no marco das actividades do 25 de novembro de 2008, convocou o I Concurso de carteis con slogan contra a violencia de xénero, concurso ao que concorreron 140 obras das cales 40 foron seleccionadas e unha delas premiada: a de Carlos Julio Clerins Estrada. Estas obras elexidas conforman a exposición que se inaugurará en Culleredo e que poderá visitarse ata o 25 de setembro en horario de 9:00 a 20:00.