O vindeiro martes 22 ás 19:00 horas, celebrarase o tradicional Concerto de Nadal no Auditorio do Conservatorio de música de Culleredo. Nel intervirán alumnos das diferentes especialidades instrumentais impartidas no centro tanto individualmente como en diversas formacións de cámara, corda, Emsemble de Saxofóns, Frauta e Trompeta, así como o Coro e a Orquestra do Conservatorio. Este Nadal, fará a súa presentación a Orquestra Infantil posta en marcha este curso nas súas primeiras andaduras, que facilita a posibilidade aos alumnos/as dos primeiros cursos de desenvolver as capacidades de crear música en conxunto e facilitar un novo espazo de convivencia e relación cos demais nun entorno educativo e cultural desenvolvido entorno á música. Por primeira vez participarán as aulas de Iniciación nun concerto do centro, nesta ocasión de forma conxunta coa Orquestra Infantil, pechando o concerto cunha panxoliña de Nadal.
Vos invitamos a achegarvos á o Conservatorio este martes a compartir un tempo de cultura e lecer entorno á musica.