Dende o Conservatorio se pretende impulsar o traballo en colaboración con outros axentes, tanto externos coma os referidos a outras áreas do propio Concello, sen perder de vista os valores e obxectivos educativos eixo da actividade do Centro. Neste sentido, vaise celebrar o venres 26 de marzo ás 19:30 horas un Concerto Solidario con Haití en colaboración coa Concellaría de Mocidade e Voluntariado, vinculando o propio Concerto con outras actividades promovidas por dita Concellaría, e que se celebrarán como un acto conxunto. Dito acto xira entorno a tres eixes con un valor educativo fundamental na formación integral das persoas: solidariedade, cooperación e voluntariado. No concerto farase unha proxección contínua de imaxes relacionadas co drama de Haití, e varios alumnos/as farán intervencións leendo textos escritos por eles mesmos, vinculados aos tres elementos citados con anterioridade.
Ao mesmo tempo, e durante esta semana, estará exposta no Conservatorio unha exposición de imaxes en branco e negro, que pretenden mostrar a realidade da cooperación galega.

O obxectivo desta mostra "República Dominicana: A seguridade fronte aos desastres naturais" é contar en que consiste, que se fai e cal é o curso natural dun proxecto de Cooperación ao Desenvolvemento.
As accións que se poden ver na mostra, correspóndense por un lado a rehabilitación das vías de acceso ao sector Mina Norte en Santo Domingo, de maneira que sexa unha vía de escape segura en caso de evacuación; e por outro, á capacitación que ten como obxecto a mellora da situación socioeconómica das mulleres. Tamén aparecen imaxes de Haití.
Vinculada ó Concerto, e antes do mesmo que comezará ás 19:30 horas, terá lugar unha Charla Solidaria na biblioteca do Conservatorio sobre prevención dos desastres naturais que pretende sensibilizar a poboación en xeral sobre estes temas. Estará impartida por membros das asociacións pola cooperación: Intered e a Asemblea de Cooperación Pola Paz. A hora de comezo será ás 18:30 horas, e intrevirán Amalia Álvarez Vega, Delegada de Intered Galicia e Francisco Raigón Jiménez, coord. de proxectos da Asamblea de Cooperación pola Paz