Sábado 18 de setembro. 18:00 horas. Ciclo de Teatro Afeccionado "Entredous Carfax Teatro" "Un Día no Circo" Paso de Valverde (Arteixo)
O circo está cheo de ilusión e de maxia: Paiasos!,Equilibristas! Trapecistas! A grande carpa de cores provoca ledicia en pequechos e grandes. Mais hai un rapaz que gosta especialmente do circo: Chukiño. Cando escoita falar dos traga lumes, fica pampo. E ri ate mexar por si cando lle contan sobre os paiasos. Un día Chukiño descobre que o Circo dos fabulosos Fratelli Fratellini actuará na vila. Unha velada de misterio, maxia e marabillas. Un espectáculo único! Chukiño non dubida e , despois de avisar aos amigos, vai correndo á carpa para coller sitio. Mais os tempos non son doados e a actuación corre risco de ser cancelada...

Dirección: Paulo Serantes
Elenco: Xavier Ramilo, Antón L.Rico
e Paulo Serantes

Público: Infantil
Entrada: Gratuíta.