Celas de Peiro celebrou o sábado 30 o San Outelo, patrón dos cans, ao que asistiron decenas de persoas.

Pola tarde tivo lugar a bendición de todos os cans presentes, xunto á igrexa, ante a figura do santo. Ao longo de longo da xornada celebrouse a misa solemne, comida con churrasco e polbo, e actuacións coa orquestra Atlanta.

O domingo, día da Nai, continuaron os festexos coa exposición do manto floral da Virxe María, xogos infantís e verbena a cargo da orquestra Poceiro.