A Concellaría de Igualdade do Concello de Culleredo, con motivo do “DÍA INTERNACIONAL DA EXPLOTACIÓN SEXUAL E A TRATA DE PERSOAS: 23 DE SETEMBRO”, desenvolverá 0 día 22 no Hotel Crunia de Fonteculler, a partires das 17:30 horas, os seguintes actos en colaboración coa organización Médicos do Mundo e as asociacións municipais de mulleres:

• •Exposición: “Mulleres de vida alegre”, composta por 32 instantáneas de Salvador Campillo, que reflicte, a través do testemuño de catro mulleres, as causas e as consecuencias da explotación sexual. Con esta iniciativa, Médicos do Mundo trata de concienciar á cidadanía en xeral da situación na que se atopa un colectivo estigmatizado e excluído socialmente. 

“Mulleres de Vida Alegre” é unha chamada de atención á sociedade sobre as persoas prostituídas, persoas ás que, na maioría das ocasións, se culpabiliza dunha situación cando en realidade son elas as vítimas. 

• Charla informativa-formativa: “Xénero e dereitos humáns”, que impartirá Alicia Ares, enfermeira voluntaria de Médicos do Mundo experta en trata de persoas. O acto, está aberto a todas aquelas persoas interesadas nesta problemática.