A Concellaría de Sanidade do Concello de Culleredo desenvolverá, durante o mes de marzo uns obradoiros de promoción da alimentación saudable dirixidos ao alumnado de 1º e 2º de ESO.

A actividade, que se levará a cabo no centro de educación secundaria IES Blanco Amor, ten como obxecto o fomento dunha alimentación sá entre a poboación xuvenil, ademáis da prevención da aparición de trastornos alimenticios como a anorexia e a bulimia, trastornos de máis frecuente aparición en idades adolescentes.

Da iniciativa beneficiaranse 375 alumnos e alumnas, e a docencia será impartida por unha especialista en nutrición e dietética.

Esta actividade enmárcase no Plan de prevención de trastornos adictivos que o Concello está a impulsar e a política de fomento de Estilos de vida saudables entre a poboación.