ES / GL

O Grupo de Teatro Interxeneracional inicia unha xira de actuacións ante os pequenos

12 Marzo, 2012. 20:35

Benestar Social

Os maiores de Culleredo levan as súas obras de teatro aos máis pequenos do municipio. O Grupo de Teatro Interxeneracional actuará entre o 14 e o 28 de marzo nas escolas infantís e nos centros Aspanaes da Coruña e de Castelo.

O Concello de Culleredo e os maiores participantes decidiron comezar a xira, en vistas do éxito acadado en anos anteriores. O programa é o seguinte:

Escola Infantil do Burgo: mércores 14 ás 10.30 horas
Escola Infantil A Tartaruga: martes 20 ás 10.30 horas
Escola Infantil Fonte da Balsa: mércores 21 ás 10.30 horas
Centro Aspanaes da Coruña: martes 27 ás 11.00 horas
Centro Aspanaes de Castelo: mércores 28 ás 11.00 horas

Nesta ocasión, os artistas representarán a obra “Nos tempos do Rei Pupú”. Os actores recoñecen que desfrutan formando parte dos grupos de teatro e, sobre todo, actuando ante os pequenos do concello.

A primeira tenente de alcalde, a nacionalista Raquel Jabares, califica aos maiores como “o colectivo máis participativo do Concello. A concelleira de Benestar, que felicita o “entusiasmo e esforzo” que poñen todos os compoñentes para sacar adiante as actuacións, destacou a proposta multidisciplinar que garda a iniciativa, xa que os usuarios son os encargados de confeccionar o atrezzo e vestiario, para o que acoden a un obradoiro de costura.