A Concellería de Cultura do Concello de Culleredo organiza o próximo mércores 16 de maio de 2012, ás 20.30 h, na Aula de Natureza “Juan Lembeye” do Xardín Botánico “Ría do Burgo” (O Burgo – Culleredo), o acto de presentación do poemario O canto do galo e da novela Alma María. Historia de una amistad, e inauguración da exposición Curvando trazos, de Alfredo Vázquez Casal.
 
A exposición permanecerá aberta ao público ata o 16 de xuño de 2012, no seguinte horario:

• Luns a venres: de 18.00 a 21.00 h.
• Sábados: de 11.00 a 13.30 e de 17.00 a 21.00 h.

 
Alfredo Vázquez Casal naceu en 1932. Logo de ter que deixar a escola aos 12 anos, desempeñou diferentes oficios, radicándose en Madrid. Dende hai algún anos reside no concello de Cambre, volcándose agora na actividade literaria e artística.

Como debuxante, expuxo no Museo Romano de Cambre, sendo esta de Culleredo a súa primeira exposición.