O Concello de Culleredo abre o proceso de inscrición para a campaña de natación 2012, que se desenvolverá o vindeiro mes de xullo. En total, son 60 prazas as abertas, estruturadas en dúas quendas, ambas abarcarán do 2 ao 31 de xullo.

A campaña de natación está dirixida a rapaces na idade: de 5 a 15 anos. A primeira quedan será de 11.30 a 12.20 horas e a segunda, de 12.25 a 13.15 horas. As clases terán lugar no Parque Acuático de Acea de Ama e están dirixidas polo Club de Natación Albatros.

A adxudicación das prazas efectuarase por estrita orde de inscrición, tendo preferencia os empadroados en Culleredo (os non empadroados estarán pendentes das prazas vacantes).

O prazo de inscrición finalizará o 29 de xuño. Os interesados deben dirixirse ao Edificio de Servizos Múltiples do Burgo (Teléfono: 981 66 55 97), en horario de 9.00 a 14.00 horas e de 17:00 a 19:00 horas.