O Concello de Culleredo informa que desde o próximo luns 1 de outubro está aberto o prazo de inscrición para a actividade de fisioterapia e logopedia que a Asociación Parkinson Galicia, en convenio co Concello, veñen desenvolvendo desde o ano 2010.

A mellora das persoas que asisten a estas actividades é importante polo cal, tanto Parkinson Galicia como a Concellaría de Sanidade de Culleredo animan ás persoas que teñan a enfermidade a participar nestes procesos rehabilitadores.

Para inscribirse, os interesados poden facelo a través do teléfono de Sanidade de Culleredo: 981.654570, ou ben da asociación de Parkinson: 981.241100.