O Concello de Culleredo inicia un programa conxunto coa  “Asociación de ayuda a familias de drogodependientes” (Adafad) para loitar contra as adiccións. O obxectivo consiste en abordar e tratar unha serie de estratexias para que as familias cullerdenses podan poñer en práctica e evitar o trastornos adictivos nos menores e adolescentes da casa.

Para iso, a Concellaría de Sanidade que dirixe Rocío Sampedro organiza, xunto con Adafad, un ciclo de charlas que servirán para a prevención destas condutas nos diferentes ámbitos de actuación. O programa abarca desde a comunicación e autoridade ata a resolución de conflitos ou a visibilidade das drogas.

Estas charlas terán carácter aberto e gratuíto. Desenvolveranse en distintos puntos do concello para facilitar a asistencia dos veciños. O ciclo, con datas e lugares, componse das seguintes xornadas:

• 21 de novembro no Centro de servizos sociais de Vilaboa, ás 19:00 horas:  “Nais e pais: facendo medrar. A autoridade”
• 23 de novembro no Centro social de Fonteculler, ás 19:00 horas: “Todo barco ten o seu capitán. Toma de decisións”
• 28 de novembro no Centro social de Costa da Lonxa, ás 19:00 horas: “Se me berras non te escoito. Comunicación”
• 12 de decembro no Centro de servizos sociais de Vilaboa, ás 19:00 horas: “A práctica de educar. Emocións”
• 14 de decembro no Centro social de Fonteculler, ás 19:00 horas: “Quen o rompe?, quen o paga?. Conflictos”
• 19 de decembro no Centro social de Costa da Lonxa, ás 19:00 horas: “Familia e prevención. Visibilidade das drogas”

A concelleira de Sanidade aposta por incrementar as colaboracións do Concello con asociacións expertas en distintas materias de ámbito social para por en práctica servizos “moi necesarios” para moitos veciños. Neste senso apunta como “crave” o manexo de estratexias nas familias que permitan evitar adiccións nos mozos.