O punto municipal de información ao consumidor de Culleredo colaborará  coa Asociación de usuarios de bancos, caixas e seguros (Adicae), na presentación do seu documental “Mis ahorros, su botín”. O documental está producido pola propia entidade e foi subvencionado polo Ministerio de sanidade, política social e igualdade.

Ten como finalidade advertir ao consumidor dos problemas e riscos dos pequenos aforradores cando queren investir e non recaban información e orientación suficiente para facelo con garantías.

A presentación da cinta terá lugar na Sala de audiovisuais do Edificio de Servizos Múltiples do Burgo, o día 29 de novembro, ás 19:30 horas. A entrada é gratuíta e non se necesita inscrición (ata cobertura de aforo).