A xa anunciada "Campaña cidadá de información sobre os apoios ante o risco de perda da vivenda", promovida pola Comisión municipal de desafiuzamentos de Culleredo segue co seu programa de actividades.
Agora iníciase o ciclo de charlas informativas que, baixo o título "Non podo pagar a miña vivenda...Que facer?". Membros da subcomisión técnica da devandita Comisión, farán unha exposición a todos os veciños e veciñas que desexen acudir e recibir orientación, das diferentes alternativas e camiños a seguir no suoposto de dificultades para pagar a vivenda habitual, sempre tendo en conta a heteroxeneidade da casuística.
As charlas, abertas e gratuítas, terán lugar o vindeiro martes 5 de febreiro, ás 19:30 horas no Pazo de Vila Melania de Vilaboa, e o mércores 6 de febreiro, ás 19:30 horas no Centro Social de Fonteculler, na Praza de Castelao.
Joaquín Díaz González-Dans de Stop Desahucios, Verónica Pazos Sánchez, técnica de consumo de Adicae, Juan Aradas, de Arquitectos sen fronteiras, Domingo Bayo Rodríguez, asesor xurídico do Concello de Culleredo e Isabel Vázquez Santiago, educadora social dos servizos sociais municipais, serán os relatores que exporán a súa experiencia na materia.
Trámites en liña, taboleiro oficial, carpeta cidadá...
Emisións en directo e material audiovisual.
El diseño de esta página web forma parte de las actuaciones de difusión del proyecto DINAMO financiado por el FEDER