O Concello de Culleredo organiza o mércores 3 de abril unha charla informativa acerca dos créditos fáciles, co obxecto de dar a coñecer entre a cidadanía as súas características e evitar posibles enganos. O acto terá lugar ás 19.30 horas no Centro Social de Fonteculler, ubicado na praza de Castelao.

O relatorio correrá a cargo de Verónica Pazos, técnica de ADICAE (Asociación de Usuarios de Bancos, Caixas e Seguros). A realización desta charla enmárcase nos planes da Comisión Municipal de Desafiuzamentos de Culleredo, prevista coa finalidade de apoiar aos veciños á hora de decidir sobre esta clase de créditos.