O Concello de Culleredo inicia o venres 7 de xuño a primeira edición do Festival do Humor, que levará ao Edificio de Servizos Múltiples do Burgo a recoñecidas figuras do xénero. A primeira en actuar será Sara Escudero, cómica coñecida polas súas intervencións na canle Paramount Comedy ou polo Club da Comedia.

O monólogo terá lugar ás 21.00 horas. As entradas pódense adquirir taquilla ao prezo de 7 euros.

Antes, ás 16.00 horas terá lugar o taller de risoterapia, para o que foi necesaria a inscrición previa.

Os actos proseguirán todos os venres de xuño. A programación completa é a seguinte:

Venres 7:
16.00 Taller de risoterapia (20 prazas).
21.00 Actuación de Sara Escudero.

Venres 14: 21.00 h, actuación de Luís Zahera.

Venres 21:
17.00 Charla sobre humor en Galicia
21.00 Actuación de Quico Cadaval.

Venres 28: 21.00 h, actuación de Carlos Branco.

Con este novo festival, o Concello de Culleredo amplía a súa oferta cunha proposta que atraerá numeroso público tamén de fóra do municipio. A concelleira de Cultura, Alicia Ferreiro, apunta que este programa con artistas de notable interese servirá tamén para a "dinamización" do Burgo e os seus locais de hostalaría.