O Concello de Culleredo desenvolverá no vindeiro Nadal unha edición máis dos campamentos urbanos de Nadal. Nesta ocasión, a Concellería de Cultura propón actividades para nenos e nenas, de 3 a 12 anos de idade, entre o 23 de decembro e o 8 de xaneiro.

Baixo o título de "O Nadal no espacio", os participantes levarán a cabo actividades de ocio educativo durante as vacacións escolares.

O Concello abre a preinscrición entre o 25 e o 29 de novembro. Para máis información pódese contactar coa Concellería de Cultura no Edificio de Servizos Múltiples do Burgo (981 665 597).