Os servizos sociais constitúen a área prioritaria de actuación para o goberno municipal. Aínda que os servizos de asistencia e atención aos veciños son os que acaparan os maiores esforzos, as actividades sociais tamén supoñen importantes beneficios para todos os colectivos do municipio, e polo Concello presentou un amplo programa con 34 grupos.

A oferta reúne un total de 34 grupos, con diferentes horarios, e distintos centros sociais da zona urbana e tamén da rural.

O Concello estruturou o programa en 4 áreas que atenden ás principais necesidades sociais detectadas: a autonomía persoal, a vida laboral, o lecer social, e a saúde.

A preinscrición nas actividades prolóngase ata o día 15. Nos casos de maior número de solicitudes que de prazas se efectuará un sorteo o 23 de setembro.