O Concello de Culleredo presenta a súa programación infantil para este mes de outubro. A oferta componse das actividades da biblioteca e do Festival Internacional de Títeres que promove o Consorcio As Mariñas.

O programa infantil da Biblioteca comporase de contacontos, coa participación da mascota Dragona Ramona, e de Biblioxogos. Este curso realizaranse na Biblioteca de Vilaboa, sita en Vila Melania, debido ás próximas obras de rehabilitación de Servizos Múltiples que se acometerán.

En canto aos Galicreques, en Culleredo representaranse tres obras, de diferentes técnicas. Celebraranse no Conservatorio Municipal de Música, sito no Burgo.