O Concello de Culleredo prosegue coa súa colaboración con ADICAE, en prol dos dereitos dos consumidores. Nesta ocasión, o municipio cullerdense forma parte da campaña da entidade aproveitando a celebración do Día Europeo de Protección do Consumidor Financeiro.

A actividade será o xoves, 4 de xuño, ás 19.00 horas no Pazo de Vila Melania (Vilaboa). Será unha conferencia a cargo de ADICAE, co obxectivo de asesorar aos consumidores e analizar o panorama actual no sector do consumo financeiro.

A primeira sesión falará dos riscos das malas prácticas no deseño e a comercialización de produtos. Logo, ás 19.30 horas, baixo o título de "As leccións da crise", abordarase o futuro do sector financeiro en España para os consumidores, tras a reeestructuración bancaria e as reformas aplicadas.

A xornada pecharase cun debate aberto.

O goberno local anima aos veciños a acudir ao encontro para obter información sobre os seus dereitos como consumidores.