O Centro Rural Agrupado (CRA) de Culleredo naceu hai 10 anos xuntando ás diferentes escolas unitarias do rural do municipio. Hoxe en día segue en funcionamento na Choeira (Almeiras), Sésamo, Ledoño e Vinseira. Só rexistrou a baixa da antiga escola de O Curro, derrubada coa ampliación do aeroporto, e cuxos alumnos pasaron a Sésamo.

Esta pervivencia dun proxecto educativo no rural ben merece unha celebración polo seu décimo aniversario. Así o pensaron desde o CRA, que coa colaboración do Concello de Culleredo, celebrarán este recordo cunha Romaría na Torre de Celas o próximo 24 de outubro.

Así, alumnos e ex alumnos reuniranse para pasar unha xornada de convivencia. Empezará ás 11.30 horas, coa visita á exposición fotográfica "Facendo historia non CRA". Ás 13.00 horas terán lugar as palabras dos profesores e unha sesión de contacontos.

Ás 14.00 horas comezará a comida campestre, cun menú formado por empanada, paella, larpeira, bebida e café por 8 euros. E pola tarde haberá sesión de xogos e actividades lúdicas.