ALMA, Apoio á Lactación Materna, coa colaboración do Concello de Culleredo, organiza a xornada "Coidados sanitarios e primeiros auxilios de menores". Será este venres 20 de novembro no Pazo de Vila Melania, en horario de 17.00 a 20.30 horas.

A actividade ten como obxectivo a educación preventiva de accidentes e abordaxe de situacións de emerxencia sanitaria. Como relator da xornada contarase co pediatra do Centro de Saúde de Culleredo: Pablo Martínez Abad.

ALMA, Apoio á Lactación Materna é unha asociación apoiada polo Concello de Culleredo e formada por nais cuxa principal función a realizan nos Grupos de Apoio á Lactación, reunións que serven de encontro a familias con dúbidas e diferentes experiencias non só en lactación, senón en soño, porteo e alimentación complementaria principalmente.