ES / GL

Ledoño conmemora os 50 anos do seu centro cultural

9 Septembro, 2016. 17:47

Participación Cidadá

Ledoño vive este ano unha data moi especial paa os seus veciños. O emblemático Centro Cultural Ledoñés cumpre os seus 50 anos de vida e por ese motivo os veciños, coa colaboración do Concello de Culleredo, organizaron unha celebración especial, que terá lugar este sábado, 10 de setembro.

A concelleira de Educación e Cultura, Carmen Varela, mantivo unha reunión cos veciños que hoxe xestionan o centro para pechar todos os detalles do evento.

Comezará a partir das 20.00 horas no Centro Cultural. Comezará co descubrimento dunha placa conmemorativa do 50 aniversario. O Concello incluíu o texto de recordo tamén en braille.

Logo abrirase a exposición preparada polo Centro Cultural sobre a parroquia de Ledoño. Será un percorrido fotográfico polos últimos 50 anos da parroquia. E tamén haberá unha actividade para os máis pequenos: unha actuación de maxia.

Será unha gran festa, moi emotiva, para Ledoño e contará tamén coa presenza do alcalde, Julio Sacristán.