ES / GL

III Andaina TP-Galicia polo monte Xalo

20 Outubro, 2016. 14:59

Culleredo buscará sensibilizar sobre os trastornos de personalidade na III Andaina Solidaria da asociación TP GALICIA polo monte Xalo. Terá lugar o domingo 30 de outubro, en colaboración co Concello de Culleredo e con Castelo Deporte.

A andaina desenvolverase a partir das 11.00 horas. As inscricións poden facerse no teléfono 699 258 993 e no mail iiiandainatpg@gmail.com.

A actividade ten como finalidade, ademais de sensibilizar á poboación sobre a estigmatización que hai sobre as persoas que padecen estes trastornos, a de recadar fondos para que a entidade poida dar cobertura a un grupo de apoio de persoas con trastornos de personalidade e familiares en Culleredo.

A inscrición inclúe a degustación de paella ao final da marcha.

A concelleira de Benestar Social, Lupe Pombo, anima á cidadanía a participar na actividade, para contribuír cos fondos que son tan necesarios para as persoas con estas doenzas. Ademais, destaca que se trata dunha acción “saudable e que servirá para concienciar á sociedade”.