O Concello de Culleredo organiza un ano máis un campamento urbano de Nadal, para propoñer unha alternativa de ocio educativo nas vacacións escolares. O prazo de matrícula comprenderá entre o 1 e o 13 de decembro.

O campamento vai dirixido a nenos e nenas de 3 a 12 anos de idade. Desenvolverase entre o 22 de decembro e o 5 de xaneiro, agás sábados, domingos e festivos, no Edificio de Servizos Múltiples do Burgo.