O Concello de Culleredo celebrá o Entroido 2017 por todo o alto, con opcións para os veciños de todas as idades.

Os actos comezarán o venres 24 ás 17.00 horas, co Entroido de Maiores. Será no Centro Cultural de Vilaboa, con concurso de disfraces e de larpeiradas incluidos. A inscrición pódese facer a través dis delegados parroquiais ou nos números 981 654 570 e 699 506 414. Haberá servizo de buses gratuitos.

O sábado 25 chegaralle a quenda aos máis pequenos. A partir das 17.00 horas tamén no Centro Cultural de Vilaboa desenvolverase una gran Festa Infantil á que están convidados todos os nenos e nenas. Actuarán as Pamisuki e haberá música, animación, palomiñas, algodón de zucre e chocolate con churros para todos.

E  luns 27 chegará o tradicional Entroido de Veiga, coa Romería de San Brais na contorna da igrexa desde as 13.00 horas. A música correrá a cargo da Orquestra Fania e das comparsas. Non faltará o concurso de disfraces e a lectura do testante, unha serie de coplas satíricas sobre a actualidade.

Será un Entroido no que o Concello agarda a participación de centos de veciños.