O pasado luns 13 de Febreiro, o Grupo de Acción Local do Sector Pesqueiro "Golfo Ártabro Sur", do que forma parte Culleredo, asinou o Convenio de Colaboración da Consellería do Mar para a aplicación da Estratexia de Desenvolvemento Local Participativo (EDLP) no marco do Desenvolvemento Sostible das Zonas de Pesca do Fondo Europeo Marítimo e de Pesca (FEMP)2014-2020.

 

Ante a proximidade da convocatoría para a presentación de proxectos ao abeiro deste convenio, con prazo que remata o vindeiro 1 de marzo (incluído), o GALP preparou unha seríe de xornadas informativas ao longo do territorio.

 

En Culleredo terá lugar o martes 21 de febreiro ás 18.00 horas no Edificio de Servizos Múltiples do Burgo.

 

Estas xornadas son abertas ao público e enfócanse a todas as persoas, institucións, entidades e colectivos sociais dos concellos do GALP, as cales poden ser beneficiarias do programa de axudas (entidades e asociacións do sector pesqueiro, asociacións de empresarios, comerciantes, hostaleiros, asociación culturais, medioambientalistas, etc.; persoas emprendedoras, ou con idea de promover proxectos de carácter social ou empresarial, etc.).

 

Nas xornadas explicarase a EDLP e aclararanse todas as dúbidas relativas ao programa de axudas que xestiona o Grupo. As xornadas terán unha duración estimada dunha hora e media.