ES / GL

Plan municipal de formación 2017

1 Marzo, 2017. 10:55

O Concello de Culleredo presenta a súa programación de cursos para desempregados deste ano continuando a súa idea de diversificar a oferta achegándose á demanda real do mercado. Por iso introdúcese algunha variante como a prevención de riscos laborais para traballos de albanelaría

A informática básica para a procura de emprego será outra novidade. Formarase no emprego de internet para lograr oportunidades de inserción.

Serán un total de 143 prazas en 10 cursos, que sumarán un total de 344 horas. Serán os seguintes:

Servizos de bar e cafetaría
Coidador de persoas dependentes no domicilio
Nivel básico de prevención de riscos laborais
Prevención de riscos laborais para traballos de albanelaría
Introdución á instalación eléctrica básica
Informática básica para a procura de emprego
Modisto de arranxos
Manipulación de cargas con carreta elevadora (dúas edicións)
Manipulador de alimentos

As accións realizaranse nas aulas-taller do centro municipal Pablo Picasso. O proceso de matrícula comprenderá do 13 ao 17 de marzo, en horario de 9.00 a 14.00 horas, no propio centro.

O concelleiro de Desenvolvemento Socioeconómico, Juan Carlos Iglesias Lovelle, sinala como un dos grandes obxectivos do plan a recualificación dos traballadores, especialmente daqueles con maiores dificultades para manter a súa inserción laboral.