ES / GL

Obradoiro de supervivencia doméstica para a xuventude

20 Marzo, 2017. 18:11

Os mozos de Culleredo vivirán este mércores, 22 de marzo, a súa segunda aprendizaxe de "superviviencia doméstica". Tras probar a gastronomía, chega nesta ocasión a quenda para os labores do fogar. Os participantes aprenderán a poñer unha lavadora, pasar o ferro, coser un botón ou a montar o seu botiquín de primeiros auxilios.

O Concello de Culleredo organiza este taller para os mozos de 14 a 18 anos de idade, a través do obradoiro de emprego de dinamización do tempo libre que financia a Xunta de Galicia polo Fondo Social Europeo. Será de 17.00 a 20.00 horas no centro municipal Pablo Picasso de forma gratuíta.

É necesaria a inscrición previa. Para formalizala poden dirixirse ata o martes 21 incluído a cipax@culleredo.es ou ao número 620 008 450.