ES / GL

Aberta a inscrición no obradoiro de kokedamas que organiza o Concello

28 Xuño, 2017. 10:48

Cultura

O Concello de Culleredo pon á disposición dos seus veciños a posibilidade de aprender a facer plantas de formas creativas e sorprendentes a través dos obradoiros de kokedamas, que se realizarán durante a mañá do próximo mércores 12 de xullo no Centro Cívico de Fonteculler, entre as 10.30 e as 13.30 horas.

A arte de facer kokedamas é unha antiga técnica xaponesa que ten certas similitudes cos bonsáis, xa que ambas as técnicas reteñen as plantas nunha pequena porción de terra, pero os coidados das kokedamas son moito máis sinxelos. Neste caso, a planta é cultivada sobre unha bóla de musgo e substrato, é dicir, sen maceta.

A inscrición é gratuíta e xa se pode facer nos Servizos Múltiples do Burgo, cun límite de 15 prazas. O Concello de Culleredo anima a non deixar pasar esta oportunidade de aprender a facer unha planta de época xunto cos seus cuidados básicos.