ES / GL

O Concello de Culleredo organiza dúas edicións do curso de micoloxía

25 Septembro, 2017. 12:25

Promoción Económica

Coa chegada da tempada de cogomelos, o Concello de Culleredo organiza a formación en micoloxía que cada ana atopa mellor resposta entre os veciños. O goberno local promove dúas quendas dos cursos, que alcanzan este ano a súa XXIII edición.

A primeira será do 18 ao 21 de outubro na Casa dos Caseiros de Vila Melania (Vilaboa). E a segunda do 8 ao 11 de novembro na reitoral de Celas de Peiro.

En ambos os dous casos, o horario das sesións comprenderá desde as 20.00 ás 21.30 horas para favorecer a asistencia. O derradeiro día do curso realizarase unha excursión de recolleita de cogomelos en Torre Lavandeira.

O Concello oferta 50 prazas en cada quenda. A inscrición estará aberta do 2 ao 6 de outubro no rexistro municipal da Casa do Concello ou no rexistro auxiliar do Edificio de Servizos do Burgo.

A adxudicación de prazas será por orde de inscrición, tendo preferencia as persoas empadroadas en Culleredo. Só será posible apuntarse a unha das quedan, cun prezo público establecido de 10 euros e 12 para os non empadroados.

Pódese obter máis información no Centro Municipal "Pablo Picasso", no Burgo. O teléfono é 981 664 204.