ES / GL

Culleredo conmemora o Día da Muller Rural

12 Outubro, 2017. 16:57

Benestar Social

O Concello de Culleredo conmemorou onte mércores 11 o Día da Muller Rural cunha xornada con éxito de participación, ao congregar a máis de medio centenar de persoas na reitoral de Celas. A maioría eran mulleres veciñas das parroquias rurais do municipio.

A concelleira de Benestar, Lupe Pombo, asistiu ao acto e deu a benvida ás participantes, a quen animou a aproveitar os recursos formativos e de asesoramento cos que contan desde a administración.

O Concello optou por unha xornada de formación para a efeméride. Este ano apostou pola psicoloxía co chamado mindfullness, técnica para afrontar as situacións que se presentan na vida cunha mente plena.

A sesión foi impartida por Elena García Paz, psicóloga sanitaria da Universidade da Coruña, especialista en Desenvolvemento Persoal e Profesional.

Houbo ademais unha actuación musical a cargo de Selva Gijón Yubero, do Conservatorio Municipal. A xornada levou por título "Cos pés na terra e a semente agromando".