O Entroido 2018 do Concello de Culleredo xa está a punto. O venres 9 e o sábado 10 de febreiro celebraránse en Vilaboa a festa para os maiores e o evento infantil habitual destas datas.

Os maiores do municipio celebrarán a súa Festa de Entroido o venres 9 de febreiro ás 17 horas no Centro Cultural de Vilaboa. Os asistentes poderán participar nun concurso de disfraces e larpeiradas para o que se facilitarán os ingredientes a quen o solicite antes do 2 de febreiro. Deberán facelo a través das delegacións parroquiais, ou no teléfono 699 506 414.

Por outra banda, os pequenos de Culleredo terán unha gran Festa Infantil de Entroido o sábado 10 de febreiro ás 17 horas no Centro Social de Rutis (Vilaboa). Música, animación, palomitas, algodón de azucre e chocolate con churros para todos.